Namhlanje (05 kuNcwaba 2025) Isifunda saseHarry Gwala District sibambe umhlangano womphakathi eJunction Hall, Donnybrook ngaphansi kwaMasipala uDr. Nkosazane Dlamini Zuma. Lo Mhlangano inhloso yawo ukuqwashisa umphakathi wase Harry Gwala District ngokubaluleka kokudla imishanguzo edambisa igciwane lengculazi. Lo mhlangano ubungaphansi kwesiqubulo esithi: CLOSING 1.1 MILLION HIV TREATMENT GAP nekuyilapho kugqugquzelwa ukuba kuvalwe igebe lalabo abangayidli imishanguzo yokudambisa igciwane lengculazi ngendlela Umphakathi walulekwe ngezinhlelo zomtholampilo nokuhlinzeka ngemishanguzo yesandulelo ngculazi, izinselelo ngesibalo sokuthelelana ngegciwane lengculazi.
Omeya boMasipala phansi kwesifunda Harry Gwala, bebekhona bezogqugquzela umphakath wase Harry Gwala, behamba a neMinyango ka hulumeni wezempilo, amaphoyisa, ubuholi bendabuka nabafundi, bonke bezoshaya ikhwela lokukhumbuzisa ukuthi uHulumeni ukhona uzobeseka ngokuvala uGebe lokunciphisa ukubhebhethekiswa kwe Sandulela Nculazi. UMeya waseHarry Gwala uCllr. Zamo Nxumalo, Uthe kusemqoka wonke umuntu azazi isimo sakhe sempilo ukuze azivikele, avikele nabanye. INkosi uMjoli, ugqugquzele abesilisa ukuba bayeke ukuzenyeza bazijwayeze nomtholampilo ukuze lehle izinga lokubhebhethekisa kwegciwane lengculazi. Kulo mcimbi bekuhlolelwa isandulela ngculazi, kunomtholampilo ongumahamba nendlwana Kuphindwe kwasayinwa isivumelwano sokusebenzisana ukulwisaneni negciwane lengculazi.
